Mga menor-de-edad pa lang sina Ma. Jennifer Abalos, 12;  Jevelyn Devara, 14;  at Gessa Clemente, 13, at halos magkapareho ang kanilang hangarin na makatulong sa kanilang mga magulang at makaahon sa kahirapan.

Nilisan nila ang kani-kanilang tahanan sa Barangay 176, Bagong Silang, Caloocan City at nagtungo sa Nueva Ecija para magtrabaho bilang katulong.

Isang recruiter na si Basilio Balleris, 48, ng Phase 8, Package 10, Block 159 Lot Excess, Bagong Silang ang nanghikayat sa kanila at nagsama sa kanila para magtrabaho bilang katulong noong Hulyo  23 ng taong ito.

Pero sa halip na maging katulong sa bahay, pinagtrabaho sila ni Balleris bilang guest relation officer sa isang videoke bar sa Llanera,  Nueva Ecija.

Pagkaraan ng tatlong linggo, nakatakas si Abalos at umuwi sa Caloocan para magsumbong sa kanyang mga magulang at sa pulisya.

Dahil dito, nagsagawa ng operasyon kamakalawa ang Caloocan City Police hanggang mailigtas sina Clemente at Devara at maaresto si Balleris.

TARGET ngayon  ng bandidong Abu Sayyaf ang mga menor de edad sa pagre-recruit ng mga ito upang palakasin ang kanilang pu-wersa.

Ito ang  nabatid kahapon batay sa intelligence report  na nakarating sa tanggapan ni Autonomous Region in Muslim Mindanao (ARMM) Chief Police Director Chief Supt. Joel Goltiao.

Batay sa ulat menor de edad mula 13 hanggang 16 anyos ang  pinupuntirya ngayon ng bandido upang maging kapanalig.

Sinabi ni Goltiao na ito ay bunga narin ng pagbaba ng bilang nga mga bandido dahil na rin sa pagkalagas ng pwersa ng mga ito sa opensiba ng  tropa ng militar.

Sa ngayon aniya ay  aktibo ngayon sa recruitment ng mga kabataang lalaki ang  bandidong grupo.

Idinagdag  pa ni Goltiao na mismong ang tropa ng mi-litar na  nakasagupa ng mga bandido ang nagpatunay na  karamihan sa kanilang mga nakalaban ay mga menor  de edad na bandido na gina-wang frontliners sa labanan.

Sinabi pa ni Goltiao na ang mga bandidong bantay ng dinukot na sina ABS-CBN television reporter na si Ces Drilon, cameraman Jimmy En-carnacion at Mindanao State University professor ay pawang mga bata o menor-de-edad.

Maging ang mga naghatid sa pinalayang si Angelo Valderama ay mga batang bandido rin.

Tinataya namang aabot sa  50 hanggang  60 armadong bandido mula sa grupo nina ASG  Commander Parad at Jumdail ang sinasabing  responsable sa pagdukot sa ABS-CBN news team at sa MSU professor.

Kaugnay nito, pinayuhan ng opisyal ang mga kabataan na huwag padadala sa mga panlilinlang ng  mga bandido dahil tiyak na pagkasira ng kinabukasan ang dulot nito sa kanilang buhay.